27.02.2019 ж. 585761-EPP-1-2017-1- FI-EPPKA2-CBHE-JP «Ресей мен Қазақстанның жоғары оқу орындарында қалдықтарды тұрақты басқарудағы құзыреттілікті арттыру / EduEnvi» – «Enhancing Competence in Sustainable Waste Management in Universities of Russia and Kazakhstan» жобасы бойынша сағат 14.00-де семинар және 15.00-де серіктес университеттер арасында вебинар өтті, оған Ресейдің Тұңғыш Президенті Б.Н. Ельцин атындағы  Орал федералды университеті, ОрФУ, Ресей, Әл-Фараби атындағы Қазақ Ұлттық университеті, Ш. Уәлиханов атындағы Көкшетау мемлекеттік университеті. М. Әуезов атындағы Оңтүстік Қазақстан мемлекеттік университеті және Оңтүстік Қазақстан мемлекеттік педагогикалық университеті, сондай-ақ кәсіпорын өкілдері қатысты.

Қазақстанда, бүкіл әлемдегідей, өндіріс және тұтыну қалдықтарын қауіпсіз кәдеге жарату мәселесі әрқашан маңызды экологиялық проблемалардың бірі болды. Қазіргі уақытта Қалдықтарды кәдеге жарату – қалдықтарды қайталама материалдық немесе энергетикалық ресурстар ретінде пайдалану маңызды міндет қойылып отыр.  Қазақстанда 45 миллиард тоннадан астам өндіріс пен тұтыну қалдықтары жинақталған, олардың тек 5% ғана қайта өңделеді. Қоқыс өңдейтін зауыттарда мұндай үлкен көлемдегі қоқыстар кезінде өңдеу үшін шикізат жетіспейді, өйткені елде қалдықтарды бөлек жинау мәдениеті жоқ. Статистика комитетінің мәліметтері бойынша, Қазақстанда қалдықтармен жұмыс істеу саласында 500-ге жуық мамандандырылған компания тіркелген. Ең үлкен завод – Астанада жұмыс істейтін және бірге жиналған қатты тұрмыстық қалдықтарды сұрыптаумен және өңдеумен айналысатын “Алтын-ТЕТ” кешені. Тағы басқа өндірістерді “KazakhstanWasteRecycling” (қағаз және картон), “SAF” (шыны), “КазКаучук” (шиналар және резеңке қалдықтар), WestDala (мұнайы бар қалдықтар, қалдықтарды кешенді басқару), “ПРОМТЕХНОРЕСУРС KZ” және “Промотход” (электрондық қалдықтар) деп атауға болады.

Сондықтан экономиканың тұрақты дамуы үшін экологиялық таза технологияларды енгізу үшін ғылыми-техникалық прогресті пайдалану бірінші дәрежелі мәнге ие болады.

Қазақстанда экологиялық таза өнім өндірушілерге “жасыл” экономикаға өту Тұжырымдамасы аясында арнайы сертификаттар беруді жоспарлап отыр.

Құжат жаңалықтарының бірі “Жасыл” сатып алу ұғымы болып табылады, олар өнім өндіретін қайта өңдеу кәсіпорындарын ынталандыратын болады, мысалы, жол, көпір құрылысында. Қазір әр түрлі жылу оқшаулағыш материалдар көп, әрлеу жұмыстарында қолданылатын материалдар көп.

Қалдықтарды басқарудың тиімді жүйесін іске асыру үшін көптеген бастамаларды іске асыру қажет:

– қалдықтарды басқару жүйесі бойынша білікті мамандар даярлау;

– ҚТҚ-ның барлық үлкен үйінділері бойынша мұқият аудит пен экологиялық мониторинг жүргізу және оларды қалпына келтіру бойынша шараларды анықтау;

– ҚТҚ жұмыс, қайта өңдеу және сақтау стандарттарын жаңарту;

– қалдықтарды қайта өңдеуді қалдықтарды өндіруші кәсіпорындар жүзеге асыруы тиіс;

– қалдықтарды қайта өңдеуді жүзеге асыратын кәсіпорындардың салықтарын төмендету.